Kva skjer når søknaden er godkjend?
For å få skattefrådrag gjennom SkatteFUNN må de føre rekneskap fortløpande og rapportere om vesentlege endringar i prosjektet. Her er ei oversikt om kva de må hugse å gjere etter godkjenning.
Føre prosjektrekneskap
Godkjente prosjekt pliktar å føre løpande prosjektbudsjett, adskilt frå andre delar av driftsbudsjettet til bedrifta.
Rapportere til Forskingsrådet
Godkjende prosjekt skal sende inn års- eller sluttrapport innan 1. mars.
Melde inn endringar
Det er viktig at vi til kvar tid har oppdatert og korrekt informasjon om prosjektet.
Utbetaling gjennom skatteoppgjeret
Utbetalinga kjem gjennom skatteoppgjeret, anten som ein reduksjon i skatt eller som ei utbetaling for bedrifter som ikkje er i skatteposisjon. De må sjølv krevje frådrag for FoU-kostnadene via skattemeldinga via eit eige temakort som heter «Skattefradrag for forskning og utvikling".
Prosjektrekneskapen må godkjennast av ein statsautorisert eller registrert revisor. Kravet om revisorattestasjon gjeld uavhengig av om bedrifta er revisjonspliktig eller ikkje. Sjå Skatteetatens nettside for meir informasjon.
Det faktiske skattefrådraget kan bli lågare eller høgare enn det det er budsjettert med i søknaden. Dette er fordi skattefrådraget blir berekna ut frå faktiske kostnader, ikkje frå budsjett.